ഓണക്കാലമായി, ഗൾഫുകാരെ പിഴിയാൻ വിമാനക്കമ്പനികൾ തയ്യാർ

ഓണക്കാലമടുത്തതോടെ ഗൾഫിൽനിന്ന് കേരളത്തിലേക്കുള്ള വിമാന ടിക്കറ്റ് നിരക്കുകളിൽ വൻ വർദ്ധന. ആറിരട്ടി വർദ്ധനയാണ് വിമാന ടിക്കറ്റ് നിരക്കിൽ വരുത്തിയിരിക്കുന്നത്. ജൂലൈ ആദ്യം മുതൽ ദുബായിലേക്ക് ആറായിരം രുപരയായിരുന്നു യാത്രാക്കൂലി. ഇത് ഈ മാസം 20 ഓടെ 36,700 ആയി ഉയരും.
എയർ ഇന്ത്യയ്ക്കാണ് ഏറ്റവും കൂടുതൽ ചാർജ്. സൗദി, ഖത്തർ എന്നിവിടങ്ങളിലേക്കുള്ള നിരക്കിലും സമാന വർദ്ധനവാണ് ഉണ്ടായിരിക്കുന്നത്.