നോട്ട് നിരോധനം; ജനങ്ങള്‍ക്കെതിരെയുള്ള സര്‍ജിക്കല്‍ സ്ട്രൈക്ക്- കോടിയേരി

നോട്ട്​ അസാധുവാക്കിയ കേന്ദ്രസർക്കാർ നടപടി ജനങ്ങൾക്കെതിരെ മോദി നടത്തിയ സർജിക്കൽ ആക്രമണമെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. കള്ളപ്പണത്തിനെതിരെയല്ല ഈ നടപടി. നോട്ടുകൾ പിൻവലിക്കുന്നതിന് മുൻപായി കോടിക്കണക്കിനു രൂപ ബി.ജെ.പി അക്കൗണ്ടുകളിൽ നിക്ഷേപിച്ചിട്ടുണ്ടെന്നും റിപ്പോർട്ടുണ്ട്​​. ഇതു സംബന്ധിച്ചു ജുഡീഷ്യൽ അന്വേഷണം നടത്തണമെന്നും കോടിയേരി ആവശ്യപ്പെട്ടു.

സഹകരണ ബാങ്കുകളിൽ വൻതോതിൽ കള്ളപ്പണമുണ്ടെന്ന ആരോപണം അടിസ്ഥാനരഹിതമാണെന്നും അങ്ങനെയുണ്ടെങ്കിൽ ബന്ധപ്പെട്ടവർ കണ്ടെത്ത​െട്ടയെന്നും കോടിയേരി  മാധ്യമങ്ങളോടു പറഞ്ഞു.

currency ban, kodiyeri