കേരളത്തിലെ ജനാര്‍ദ്ദന റെഡ്ഡിയാകാന്‍ ബിജു രമേശ്

മദ്യ വ്യവസായി ബിജു രമേശിന്റെ മകളുടെയും കോൺഗ്രസ് നേതാവും മുൻമന്ത്രിയു മായ അടൂർ പ്രകാശിന്റെ മകന്റെയും വിവാഹം തലസ്ഥാനത്തെ മാത്രമല്ല, കേരളത്തി ലെ തന്നെ ഏറ്റവും വലിയ ആഘോഷവും ചർച്ചയുമാകുകയാണ്.

ഏഴര ഏക്കറിൽ നിർമ്മിച്ച വിവാഹ വേദിയിൽ സ്വാമി നാരായണ അക്ഷർധാം ക്ഷേത്രത്തിന്റെ മാതൃകയിലൊരുക്കിയ മണ്ഡപത്തിലാണ് വിവാഹം. വെൺപാല വട്ടത്തെ രാജധാനി ഗാർഡൻസിലാണ് വിവാഹമണ്ഡപം ഒരുക്കിയത്. നൂറ് പേർക്ക് നിൽക്കാം ഈ മണ്ഡപത്തിൽ.

എഴര ഏക്കറിലാണ് വിവാഹ വേദി. 300 തൊഴിലാളികളാണ് രാപ്പകലില്ലാതെ ഈ കൊട്ടാരമണ്ഡപത്തിനായി പണിീയെടുത്തത്. ഇന്ന് വൈകീട്ട് ആറിനും ആറരയ്ക്കു മുള്ള മുഹൂർത്തത്തിലാണ് ബിജു രമേശിന്റെ മകൾ മേഘയും അടുപ്രകാശിന്റെ മകൻ അജയുമാണ് ഈ വേദിയിൽ വിവാഹിതരാകുന്നത്.

പരമ്പരാഗത കൊത്തുപണികളോടുകൂടി അലങ്കരിച്ച കോട്ടയും ക്ഷണിതാക്കൾക്കായി ഒരുക്കിയിട്ടുണ്ട്. ആറടി വീതിയിൽ നടപ്പാത. ഇതിനിരുവശവും 9000 പേർക്ക് ഇരി ക്കാവുന്ന സദസ്സ്.

വേദിയ്ക്ക് ഇരുവശത്തുമായാണ് മണ്ഡപം ഒരുക്കിയിരിക്കുന്നത്. ഒരേ സമയം ആറായിരം പേർക്ക് ഭക്ഷണം വിളമ്പാം. വിവാഹത്തിനെത്തുന്നവരുടെ കൺമു ന്നിൽവെച്ച് തന്നെ ബിരിയാണി ഉണ്ടാക്കി നൽകും. ഇതിന് പുറമെ നാടൻ വിഭവ ങ്ങളും, ഫ്യൂഷൻ വിഭവങ്ങളും വ്യത്യസ്തങ്ങളായ ഡെസേർട്ട് വിഭവങ്ങളും സദ്യയുടെ ആകർഷണമാണ്.

200 വാഹനങ്ങൾ പാർക്ക് ചെയ്യാനുള്ള സൗകര്യം. 15000 പേരെ പ്രതീക്ഷിക്കുന്ന വിവാഹത്തിൽ വാഹനങ്ങൾ പാർക്ക് ചെയ്യാനും ദൂരെ പാർക്ക് ചെയ്ത വാഹനങ്ങളി ലേക്ക് ആളുകളെ എത്തിക്കാനും പ്രത്യേക സൗകര്യം. ഗായിക ശ്വേതാ മോഹന്റെ ഗാനമേളകളടക്കം വൻ കലാപരിപാടികളും വിവാഹദിവസം ഒരുക്കിയിട്ടുണ്ട്.

biju ramesh’s daughters marriage