ക്വീനൊക്കെ ചെറുത്, സിമ്രന് വേണ്ടി കട്ട വെയ്റ്റിങ്ങ് എന്ന് ആരാധകർ

ഗാങ്സ്റ്റർ, ഫാഷൻ, എന്നിങ്ങനെ ഒരുപിടി നല്ല ചിത്രങ്ങൾ ചെയ്തിട്ടുണ്ടെങ്കിലും, ക്വീൻ ഇറങ്ങിയതോടെയാണ് പലരും കങ്കണയുടെ ഫാൻ ആകുന്നത്. രംഗൂൺ ശ്രദ്ധിക്കപ്പെടാതിരുന്നത് ആരാധകരെ തെല്ലൊന്ന് വിഷമിപ്പിച്ചിരുന്നു. എന്നാൽ ആരാധകർക്ക് പ്രതീക്ഷയേകി താരം തിരിച്ചെത്തിയിരിക്കുകയാണ്.

ഇത്തവണ ‘സിമ്രൻ’ എന്ന ചിത്രവുമായാണ് താരത്തിന്റെ വരവ്. ഒരു കോമിക് സിനിമയായിരിക്കും ത്രില്ലർ എന്ന് ട്രെയിലറിൽ നിന്ന് വ്യക്തം. ഗുജറാത്തി സ്വദേശിയും എൻആർഐയുമായ പ്രഫൂൽ പടേൽ എന്ന കഥാപാത്രത്തെയാണ് താരം അവതരിപ്പിക്കുന്നത്.

ഹൻസൽ മെഹ്തയാണ് ചിത്രം സംവിധാനം ചെയ്തിരിക്കുന്നത്. ചിത്രം സെപ്തംബർ 15 ന് തിയറ്ററുകളിൽ എത്തും.

kangana ranaut simran teaser