യുഎഇയില്‍ ലേബര്‍ കാർഡുമായി ബന്ധപ്പെട്ട പിഴകൾ കുത്തനെ കുറച്ചു

യു.എ.ഇ മാനവവിഭവശേഷി മന്ത്രാലയം ലേബര്‍ കാർഡുമായി ബന്ധപ്പെട്ട പിഴകൾ കുത്തനെ കുറച്ചു. ലേബര്‍ കാര്‍ഡ് പുതുക്കുവാനുള്ള രണ്ടു മാസത്തെ ഗ്രേസ്​ പിരീഡ്​ കഴിഞ്ഞാല്‍ പോയാല്‍ അടയ്ക്കേണ്ട 500 ദിർഹം എന്ന പിഴ 200 ദിർഹമാക്കി ചുരുക്കി.  അധികം വരുന്ന ഓരോ മാസത്തിന്​  പിഴ അടക്കണമെന്ന നിബന്ധനയിലും മാറ്റമുണ്ട്​.  പരമാവധി 2000 ദിർഹമേ ഇടാക്കാവൂ എന്നാണ് നിര്‍ദേശം.

പുതിയ തൊഴിലാളി ജോലിക്ക്​ ചേർന്നാൽ  ലേബര്‍ കാര്‍ഡിന്​ അപേക്ഷിക്കാനും ലേബര്‍ കരാർ സമര്‍പ്പിക്കുവാനും വീഴ്ച വരുത്തിയാലുള്ള പിഴയിലും സമാനമായ കുറവുണ്ട്.  രണ്ടു മാസം അധിക സമയം കഴിഞ്ഞാൽ  ഓരോ മാസത്തിനും 500 ദിര്‍ഹം പിഴയടക്കണം എന്നത്​ 100 ദിർഹമാക്കിയാണ് ചുരുക്കിയിരിക്കുന്നത്. എത്ര മാസം വൈകുന്നുവോ അത്രയും പിഴ കൂട്ടിയടക്കണം എന്നത്​  പരമാവധി 2000 ദിർഹം ആക്കി നിജപ്പെടുത്തുകയും ചെയ്​തിട്ടുണ്ട്.

uae,  job card