നഴ്സുമാര് വീണ്ടും സമര മുഖത്തേക്ക്
സംസ്ഥാനത്തെ സ്വകാര്യ ആശുപത്രികളിൽ ജോലി ചെയ്യുന്ന നഴ്സുമാർ വീണ്ടും സമരത്തിലേക്ക്.
ശമ്പള പരിഷ്കരണം ആവശ്യപ്പെട്ടാണ് സമരം. ജൂൺ 15 മുതല് സമരം ആരംഭിക്കും. 18 മുതൽ ആശുപത്രികൾ ബഹിഷ്കരിക്കാനാണ് സ്വകാര്യ നഴ്സുമാരുടെ സംഘടന തീരുമാനം.
2013ൽ സ്വകാര്യ ആശുപത്രികളിലെ നഴ്സുമാർ നടത്തിയ സമരത്തെ തുടർന്ന് 2016 മുതൽ ശമ്പള വർധന ഉറപ്പ് നൽകിയിരുന്നു. ഈ ഉറപ്പ് പാലിക്കപ്പെടാത്തതിനെ തുടര്ന്നാണ് നഴ്സുമാര് വീണ്ടും സമരത്തിന് ഒരുങ്ങുന്നത്. ജനറൽ നഴ്സിങ് പൂർത്തിയാക്കിയവർക്ക് 8750 രൂപയും ബി.എസ്സി നഴ്സുമാർക്ക് 9250 രൂപയും മിനിമം ശമ്പളം നൽകാനായിരുന്നു ധാരണ. 2016 മുതൽ മുൻകാല പ്രാബല്യത്തോടെ ശമ്പള വർധനവും ഉറപ്പ് നല്കിയിരുന്നു. എന്നാൽ ഉറപ്പ് പാലിക്കപ്പെട്ടില്ല.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here