നടിയെ അക്രമിച്ച കേസ്; അപ്പുണ്ണി ഹാജരായി

ദിലീപിന്റെ മാനേജർ അപ്പുണ്ണി ഹാജരായി. ആലുവ പോലീസ് ക്ലബിലാണ് അപ്പുണ്ണി ചോദ്യം ചെയ്യലിന് ഹാജരായത്.

നേരത്തെ അപ്പുണ്ണിയുടെ മുൻകൂർ ജാമ്യാപേക്ഷ കോടതി തള്ളിയിരുന്നു.  ഹർജിക്കാരൻ അന്വേഷണോദ്യോഗസ്ഥൻ മുമ്പാകെ ഹാജരാകണമെന്നാണ് കോടതി നിർദേശിച്ചത്. ചോദ്യംചെയ്യൽ നിയമപ്രകാരമാകണമെന്നും കോടതി നിർദേശിച്ചിട്ടുണ്ട്.

പോലീസിൽ ഹാജരായാൽ മർദനവും പീഡനവുമുണ്ടാകുമെന്ന് ആശങ്കയുണ്ടെന്ന് ഹർജിക്കാരൻ ബോധിപ്പിച്ചപ്പോഴാണ് കോടതിയുടെ ഈ നിർദേശം. അപ്പുണ്ണിക്ക് ഗൂഢാലോചനയിൽ പങ്കുണ്ടോയെന്ന് കണ്ടെത്തണമെന്നും ചോദ്യം ചെയ്യേണ്ടതുണ്ടെന്നും സർക്കാർ ബോധിപ്പിച്ചു. നിലവിൽ അപ്പുണ്ണി കേസിൽ പ്രതിയല്ലെങ്കിലും ചോദ്യംചെയ്യലിന്റെ അടിസ്ഥാനത്തിൽ ആവശ്യമെങ്കിൽ കൂടുതൽ നടപടിയുണ്ടാകുമെന്നാണ് സർക്കാർ നിലപാട്.

dileep manager appunni surrendered