ഓണം വിഷരഹിതമാക്കാൻ മിതമായ നിരക്കിൽ വിഷരഹിത പച്ചക്കറികളുമായി സംസ്ഥാന സർക്കാർ

 കൃഷിവകുപ്പ് നേരിട്ടുനടത്തുന്ന 1500 ഓണച്ചന്തക്കുപുറമെ, സഹകരണസ്ഥാപനങ്ങള്‍, ഹോര്‍ട്ടികോര്‍പ്, കൃഷിഭവനുകള്‍, കുടുംബശ്രീ തുടങ്ങിയവയും ഓണച്ചന്തകള്‍ ഒരുക്കുന്നുണ്ട്. കഴിഞ്ഞ വര്‍ഷത്തേക്കാള്‍ മൂന്നിരട്ടിയിലധികമാണ് ഇത്തവണ ചന്തകള്‍ ഒരുക്കുന്നത്. കൃഷിഭവനുകള്‍ വഴി 929 ഓണച്ചന്തകളും വിഎഫ്പിസികെയുടെ 155 ഓണച്ചന്തകളും കുടുംബശ്രീയുടെ 168 ഓണച്ചന്തകളും പ്രവര്‍ത്തിക്കും. കൃഷിവകുപ്പിന്റെ നേതൃത്വത്തില്‍ ഉല്‍പ്പാദിപ്പിച്ച പച്ചക്കറികളും കര്‍ഷകരില്‍നിന്ന് വാങ്ങിയവയും അന്യസംസ്ഥാനത്തുനിന്ന് കൊണ്ടുവന്നവയും പ്രത്യേക വിഭാഗമായാണ് വില്‍ക്കുക.

30 മുതൽ ഉത്രാടനാൾ വരെയാണ് ഓണച്ചന്തകൾ പ്രവർത്തിക്കുക. ഓണച്ചന്തകളുടെ സംസ്ഥാനതല ഉദ്ഘാടനം 30ന് തിരുവനന്തപുരത്ത് മുഖ്യമന്ത്രി പിണറായി വിജയൻ നിർവഹിക്കും. ഓരോ ജില്ലയിലും എംഎൽഎമാർ ജില്ലാതല ഉദ്ഘാടനം നിർവഹിക്കും. ഓണത്തിന് പച്ചക്കറിവിലയിൽ വർധനയുണ്ടാകുമെന്നത് മുൻകൂട്ടിക്കണ്ട് ഓണത്തിനൊരുമുറം പച്ചക്കറി പദ്ധതി നടപ്പാക്കിയിരുന്നു.

onachantha by state govt to be opened