മെഡിക്കൽ പ്രവേശനം; മാനേജ്‌മെന്റ് ഹർജി സുപ്രീം കോടതി ഇന്ന് പരിഗണിക്കും

സ്വാശ്രയ മെഡിക്കൽ പ്രവേശനത്തിനുള്ള ഫീസ് സംബന്ധിച്ച് മെഡിക്കൽ മാനേജ്‌മെന്റ് അസോസിയേഷൻ സമർപ്പിച്ച ഹർജി സുപ്രീം കോടതി ഇന്ന് പരിഗണിക്കും. ഫീസ് സംബന്ധിച്ച് ഹൈക്കോടതി നൽകിയ നിർദ്ദേശങ്ങൾക്കെതിരെയാണ് മാനേജ്‌മെന്റ് ഹർജി നൽകിയത്.

അഞ്ച് ലക്ഷം രൂപ ഫീസായും ആറ് ലക്ഷം രൂപ ബോണ്ടായും നൽകാനാണ് സുപ്രീം കോടതി നിർദ്ദേശം. എന്നാൽ ഇത് പര്യാപ്തമല്ലെന്നാണ് മാനേജ്‌മെന്റുകളുടെ വാദം. സുപ്രീം കോടതി നിർദ്ദേശങ്ങൾ പാലിച്ചല്ല സ്‌പോട്ട് അഡ്മിഷൻ നടത്തുന്നതെന്ന് ചൂണ്ടിക്കാട്ടി മാനേജ്‌മെന്റുകൾ നൽകിയ ഹർജിയും ഇന്ന് പരിഗണിക്കും.