നഷ്ടപരിഹാരം വേണം; പി യു ചിത്ര ഹൈക്കോടതിയിൽ

നഷ്ടപരിഹാരം ആവശ്യപ്പെട്ട് പി യു ചിത്ര ഹൈക്കോടതിയിൽ ഹർജി നൽകി. ഇന്ത്യൻ അത്‌ലറ്റിക് ഫെഡറേഷനെതിരെയാണ് നഷ്ടപരിഹാരം ആവശ്യപ്പെട്ട് ചിത്ര ഹർജി നൽകിയിരിക്കുന്നത്. അമ്പത് ലക്ഷം രൂപ നഷ്ടപരിഹാരം ചോദിച്ചാണ് ഹൈക്കോടതിയിൽ ഹർജി നൽകിയത്. കായിക താരങ്ങളെ തെരഞ്ഞെടുക്കുമ്പോൾ കൃത്യമായ മാനദണ്ഡങ്ങൾ രൂപീകരിക്കാനും ഹർജിയിൽ അപേക്ഷ. ഏഷ്യൻ അത്‌ലറ്റിക് ചാമ്പ്യൻഷിപ്പിൽ നിന്നും ഒഴിവാക്കിയത് ചോദ്യം ചെയ്ത് നേരത്തെ പരാതി നൽകിയിരുന്നു.