മുംബൈ നഗരം വെള്ളപ്പൊക്ക ഭീഷണിയിൽ

തുടർച്ചയായ മഴയെ തുടർന്ന് മുംബൈ നഗരം വെള്ളപ്പൊക്ക ഭീഷണിയിൽ. 2005ന് ശേഷം മുംബെയിൽ പെയ്യുന്ന ശക്തമായ മഴയാണ് ഇത്. കനത്ത ജാഗ്രതാ നിർദ്ദേശമാണ് മുംബൈ നിവാസികൾക്ക് അധികൃതർ നൽകിയിരിക്കുന്നത്. അത്യാവശ്യകാര്യങ്ങൾക്ക് മാത്രമേ പുറത്തിറങ്ങാൻ പാടുള്ളൂ എന്ന് നിർദ്ദേശമുണ്ട്.

രാവിലെ മുതൽ നിർത്താതെ തുടരുന്ന മഴയിൽ വൈകീട്ട് ശക്തമായ വേലിയേറ്റത്തിന് സാധ്യതയുണ്ടെന്നാണ് കാലാവസ്ഥാ വിദഗ്ധരുടെ മുന്നറിയിപ്പ്. കടൽത്തീരത്തേക്ക് പോകുന്നതിനും വിലക്കുണ്ട്.