ചുഴലിക്കാറ്റിന് പിന്നാലെ വെള്ളപ്പൊക്കവും; ഹൂസ്റ്റൺ നഗരം വെള്ളത്തിനടിയിൽ

മലയാളികളടക്കം ഒട്ടേറെ ഇന്ത്യക്കാരുള്ള അമേരിക്കയിലെ ഹൂസ്റ്റണിൽ വെള്ളപ്പൊക്കത്തെ തുടർന്ന് കനത്ത നാശനഷ്ടം. പെരുമഴയും ചുഴലിക്കാറ്റും കാരണം നഗരം വെള്ളത്തിനടിയിലായി. ചരിത്രത്തിലെ തന്നെ ഏറ്റവും വലിയ പ്രളയമാണ് ടെക്‌സസ് സംസ്ഥാനത്തെ പിടിച്ച് കുലുക്കിയത്. 18 പേർക്കാർ ഇതുവരെ ജീവൻ നഷ്ടമായി.

ഹാർവെ ചുഴലിക്കാറ്റിനൊപ്പമുണ്ടായ കനത്ത മഴയിൽ ഹൂസ്റ്റണിലെ തെരുവുകളും വീടുകളും മുങ്ങി. വെള്ളിയാഴ്ച വൈകി തുടങ്ങിയ ചുഴലിക്കാറ്റ് പിന്നീട് ശക്തി കുറഞ്ഞെങ്കിലും മഴ ഇപ്പോഴും തുടരുകയാണ്. അമേരിക്കയിലെ നാലാമത്തെ വൻനഗരമാണ് ഹൂസ്റ്റൺ. 13 വർഷത്തിനിടെ അതാദ്യമായാണ് ടെക്‌സസിൽ ഇത്രശക്തമായ ചുഴലിക്കാറ്റടിയ്ക്കുന്നത്.

Houston flood; death toll climbs to 18