കണ്ണന്താനം ഇന്ന് ചുമതലയേൽക്കും

കേരളത്തിൽനിന്ന് കേന്ദ്രമന്ത്രിസഭയിലെത്തിയ അൽഫോൺസ് കണ്ണന്താനം ഇന്ന് ടൂറിസം മന്ത്രിയായി ചുമതലയേൽക്കും. മന്ത്രിസഭാ പുനഃസംഘടനയിൽ കേന്ദ്രസഹമന്ത്രിയായി തെരഞ്ഞെടുത്ത കണ്ണന്താനത്തിന് ടൂറിസം വകുപ്പിന്റെ സ്വതന്ത്ര ചുമതലയാണ്. ഇന്ന് ഉച്ചയോടെ കണ്ണന്താനം ചുമതലയേൽക്കും. പ്രതിരോധ മന്ത്രിയായി തെരഞ്ഞെടുത്ത നിർമ്മലാ സീതാരാമൻ ഒഴിച്ച് മറ്റെല്ലാ മന്ത്രിമാരും ഇന്ന് ചുമതലയേൽക്കും. കഴിഞ്ഞ ദിവസമാണ് 13 മന്ത്രിമാർ സത്യപ്രതിജ്ഞ ചെയ്തത്.