വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ കാണാതായി

വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന കുട്ടിയെ കാണാതായി. കുട്ടി പുഴയിൽ വീണതാണെന്ന സംശയത്തിൽ നാട്ടുകാരും അഗ്‌നി രക്ഷാ സേനയും പൊലിസും തിരച്ചിൽ തുടങ്ങി. ചെങ്കള ചേരൂരിലെ കബീർ റുഖ്‌സാന ദമ്പതികളുടെ മകൻ ശഅ്ബാനെയാണ് വീട്ടുമുറ്റത്തുനിന്നു കാണാതായത്.

ഇന്നലെ ഉച്ചയ്ക്ക് 2.30 ഓടെയാണ് സംഭവം. വീട്ടുമുറ്റത്ത് കളിച്ചുകൊണ്ടിരിക്കുകയായിരുന്ന ശഅ്ബാനെ പെട്ടെന്ന് കാണാതാവുകയായിരുന്നു. ഇതേ തുടർന്ന് വീട്ടുകാർ സമീപത്തെ വീടുകളിലും മറ്റുംകുട്ടിയെ അന്വേഷിച്ചെങ്കിലും കണ്ടെത്താൻ കഴിഞ്ഞില്ല.

കുട്ടി പുഴയിൽ വീണതായാണ് സംശയം. ഇതോടെ വീട്ടുകാർ വിദ്യാനഗർ പൊലിസിൽ വിവരമറിയിച്ചതിനെ തുടർന്ന് പൊലിസും അഗ്‌നിരക്ഷാ ശമന സേനയും സ്ഥലത്തെത്തി പുഴയിൽ തിരച്ചിൽ തുടങ്ങി.

child missing from house