ചതുപ്പിൽ വീണ ആന അവശനിലയിൽ; രക്ഷാപ്രവർത്തനം തുടരുന്നു

ആലപ്പുഴയിലെ തുറവൂരിൽ ചതുപ്പിൽ വീണ ആനയെ രക്ഷിക്കാനുള്ള ശ്രമങ്ങൾ തുടരുന്നു.12 മണിക്കൂറായി ആനയെ ചതുപ്പിൽനിന്ന് കയറ്റാനുള്ള ശ്രമത്തിലാണ്. രക്ഷാപ്രവർത്തനം നീണ്ടതോടെ ആന തികച്ചും അവശ നിലയിലാണ്.

ചതുപ്പ് പ്രദേശത്താണ് ഇടഞ്ഞോടിയ ആന പെട്ടിരിക്കുന്നത് എന്നതിനാൽ ക്രെയിനോ ജെസിബിയോ ഇവിടേയ്ക്ക് എത്തിക്കാനാകില്ല എന്നതാണ് രക്ഷാപ്രവർത്തനം നീളാൻ കാരണം. വിരണ്ടോടിയ ആന പ്രദേശത്തെ വീടിന്റെ മതിലും ഒരു ഓട്ടോറിക്ഷയും തകർത്തതിന് ശേഷമാണ് ചതുപ്പിൽ വീണത്.