മോഷണക്കേസ് പ്രതി പോലീസ് ജീപ്പിൽനിന്ന് ചാടി മരിച്ചു

കായംകുളത്ത് ചാരുംമൂട്ടിൽ മോഷണക്കേസുമായി ബന്ധപ്പെട്ട് പോലീസ് കസ്റ്റഡിയിൽ എടുത്തയാൾ പോലീസ് ജീപ്പിൽ നിന്ന് ചാടി മരിച്ചു. സ്റ്റേഷനിലേക്ക് കൊണ്ടുപോകും വഴിയാണ് സംഭവം. നൂറനാട് പുലിമേൽ സ്വദേശി രാജു (26 )ആണ് മരിച്ചത്. മോഷണക്കേസിൽ ഇന്ന് ഉച്ചയോടെ നൂറനാട് പോലീസാണ് ഇയാളെ കസ്റ്റഡിയിലെടുത്തത്. തുടർന്ന് സ്റ്റേഷനിലേക്ക് കൊണ്ടുപോകുന്നതിനിടെ ഇയാൾ ജീപ്പിൽ നിന്ന് പുറത്തേക്ക് ചാടുകയായിരുന്നു.