കണ്ണന്താനത്തിന്റെ മന്ത്രിസ്ഥാനം ഇടത് സഹയാത്രികന് സംഭവിക്കുന്ന ഏറ്റവും വലിയ അപചയമെന്ന് വിഎസ്

കേന്ദ്ര ടൂറിസം മന്ത്രി അൽഫോൺസ് കണ്ണന്താനത്തെ പ്രശംസിച്ചും വിരുന്നൊരുക്കിയും മുഖ്യമന്ത്രി പിണറായി വിജയൻ രംഗത്തെത്തിയതിന് പിന്നാലെ കണ്ണന്താനത്തിനെതിരെ വി എസ് അച്യുതാനന്ദൻ. കണ്ണന്താനം കേന്ദ്രമന്ത്രിയായതിൽ അഭിനന്ദിക്കാൻ തക്കതായി ഒന്നുമില്ല. ഒരു ഇടതുപക്ഷ സഹയാത്രികന് സംഭവിക്കാവുന്ന ഏറ്റവും വലിയ അപചയമാണ് അൽഫോൻസ് കണ്ണന്താനത്തിന് സംഭവിച്ചതെന്നും ഭരണപരിഷ്‌കാര കമ്മീഷൻ അധ്യക്ഷൻകൂടിയായ വി എസ് പറഞ്ഞു.