സ്വകാര്യ ബസ് പണിമുടക്ക് മാറ്റിവച്ചു

വ്യാഴാഴ്ച മുതൽ സ്വകാര്യ ബസുടമകൾ നടത്താൻ തീരുമാനിച്ചിരുന്ന ബസ് പണിമുടക്ക് മാറ്റിവച്ചു. ചാർജ് വർധന പഠിക്കാൻ സർക്കാർ സമിതിയെ ചുമതലപ്പെടുത്തിയതിനെത്തുടർന്നാണ് സമരം മാറ്റിവച്ചത്. അടിക്കടിയുണ്ടാകുന്ന ഇന്ധനവില വർധനവിനെത്തുടർന്ന് നിരക്ക് വർധന ആവശ്യപ്പെട്ടായിരുന്നു സമരം.

സർക്കാർ തീരുമാനത്തിനായി ഒക്ടോബർ അഞ്ചു വരെ കാത്തിരിക്കുമെന്നും അനുകൂല തീരുമാനം ഉണ്ടായില്ലെങ്കിൽ ബസ് പണിമുടക്കുമായി മുന്നോട്ടു പോകുമെന്നും ഭാരവാഹികൾ മാധ്യമങ്ങളോട് പറഞ്ഞു.

private bus strike postponed