അമേരിക്കയിൽ ഇന്ത്യൻ ഡോക്ടർ രോഗിയുടെ കുത്തേറ്റ് മരിച്ചു

അമേരിക്കയിൽ ഇന്ത്യൻ ഡോക്ടർ രോഗിയുടെ കുത്തേറ്റ് കൊല്ലപ്പെട്ടു. തെലുങ്കാനയിൽ നിന്നുള്ള അച്യുത റെഡ്ഡി(57) ആണ് കൊല്ലപ്പെട്ടത്. ബുധനാഴ്ച വൈകുന്നേരമായിരുന്നു സംഭവം. കാൻസാസിലെ ഹോളിസ്റ്റിക് സൈക്യാട്രി സർവീസിൽ സേവനമനുഷ്ടിക്കുകയായിരുന്നു ഇദ്ദേഹം.

സംഭവവുമായി ബന്ധപ്പെട്ട് ഡോക്ടർ ചികത്സിച്ചിരുന്ന ഒരാളെ പൊലിസ് കസ്റ്റഡിയിലെടുത്തിട്ടുണ്ട്. കൊലപാതകം നടത്തിയതിന് ശേഷം അടുത്തുള്ള പാർക്കിങ് സ്ഥലത്ത് ഉണ്ടായിരുന്ന കാറിൽ ഇരിക്കുകയായിരുന്ന ഇയാളെ ക്ലിനിക്കിന് സമീപത്തുള്ള ക്ലബിലെ സുരക്ഷ ജീവനക്കാർ അറിയിച്ചതിനെ തുടർന്ന് പൊലിസെത്തി കസ്റ്റഡിയിലെടുക്കുകയായിരുന്നു. കാലപാതകത്തിന്റെ കാരണം വ്യക്തമല്ല. വെള്ളിയാഴ്ച ഇയാളെ അറ്റോർണി ഓഫീസറിന് മുന്നിൽ ഹാജരാക്കുമെന്ന് അധികൃതർ അറിയിച്ചു.

അമേരിക്കയിൽ നിരവധി ആശുപത്രികളിൽ സേവനമനുഷ്ഠിച്ച് വരികയായിരുന്നു അച്യുത റെഡ്ഡിയും ഭാര്യ ബീനയും.

indian doctor stabbed to death at america