കിലോയ്ക്ക് ലകഷങ്ങൾ വിലമതിക്കുന്ന ലഹരിപദാർത്ഥവുമായി യുവാവ് പിടിയിൽ

വിലപിടിപ്പുള്ള ലഹരി മരുന്നായ എ ഡി എം എ യുമായാണ് കോഴിക്കോട് ബാലുശ്ശേരി കരുമല സ്വദേശി ശരത്തിനെ എക്‌സൈസ് സംഘം പിടികൂടിയത്.

മെഥിലിൻ ഡയോക്‌സി ഫിനെതൈലാമിൻ എന്നാണ് എ ഡി എം എയുടെ പൂർണ്ണ രൂപം. മയക്കുമരുന്നിന് വിപണിയൽ വലിയ വിലയുണ്ട് ഇതിന്. പുതുതലമുറ യുവാക്കളെ ലക്ഷ്യമിട്ടാണ് ഈ ലഹരി പദാർത്ഥം മാർക്കറ്റിലെത്തുന്നത്.

രാജ്യത്തെ മെട്രോ നഗരങ്ങളിലെ ലഹരി പാർട്ടികളിലാണ് ഇത് പ്രധാനമായും ഉപയോഗിക്കുന്നതെന്ന് എക്‌സൈസ് അറിയിച്ചു. എം ഡി എം എ യ്ക്ക് ഒരു ഗ്രാമിന് 3000 മുതൽ 5000 രൂപ വരെയാണ് ഈടാക്കുന്നത്. അര ഗ്രാം കൈവശം വെച്ചാൽ 10 വർഷം വരെ തടവ് ശിക്ഷ ലഭിക്കാം, ശരതത്തിൽ നിന്ന് 3 ഗ്രാമാണ് പിടികൂടിയത്.

ബംഗളൂരുവിൽ നിന്ന് നൈജീരിയൻ സ്വദേശിയിൽ നിന്നാണ് ശരത്തിന് ലഹരി പദാർത്ഥം ലഭിച്ചത്. സാമ്പത്തിക ശേഷിയുളള വീടുകളിലെ കൗമാരക്കാരും വിദ്യാർത്ഥികളും അടങ്ങുന്ന വൻ റാക്കറ്റ് ലഹരി വിതരണത്തിന് പിന്നിലുണ്ടെന്നാണ് എക്‌സൈസ് നൽകുന്ന വിവരം. ഫെയ്‌സ്ബുക്കിലെ ക്ലോസ്ഡ് ഗ്രൂപ്പ്, വാട്‌സ് ആപ് ഗ്രൂപ്പുകൾ എന്നിവ വഴിയാണ് പ്രധാനമായും വിൽപ്പന.

expensive drugs seized