കമൽഹാസ്സനെ കാണാൻ കെജ്രിവാൾ ചെന്നെയിലേക്ക്; ചർച്ച രാഷ്ട്രീയ പ്രവേശനമെന്ന് സൂചന

തമിഴ് രാഷ്ട്രീയത്തിലേക്ക് ചുവടുവയ്ക്കുന്നുവെന്ന സൂചന നൽകിയ നടൻ കമൽഹാനുമായി ഡൽഹി മുഖ്യമന്ത്രി അരവിന്ദ് കെജ്രിവാൾ ഇന്ന് കൂടിക്കാഴ്ച നടത്തും. കെജ്രിവാൾ ചെന്നെയിലെത്തിയാണ് കമൽഹാസനുമായി കൂടിക്കാഴ്ച നടത്തുക. കമൽഹാസന്റെ രാഷ്ട്രീയ പ്രവേശനമാണ് അജണ്ടയെന്നാണ് സൂചന.

രാഷ്ട്രീയ പ്രവേശനം ഉടനുണ്ടാകുമെന്ന സൂചന നൽകി കമൽഹാസൻ തമിഴ് രാഷ്ട്രീയത്തിൽ അഭിപ്രായ പ്രകടനം നടത്തുകയും വിവിധ പ്രശ്‌നങ്ങളിൽ ഇടപെടുകയും ചെയ്തിരുന്നു. തന്റെ നിറം കാവിയല്ലെന്ന് ട്വീറ്റ് ചെയ്ത കമൽ കേരള മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തുകയും ചെയ്തിരുന്നു.