മതംമാറാൻ പ്രേരിപ്പിച്ചു; യോഗ സെന്ററിനെതിരെ കേസെടുക്കാൻ ഹൈക്കോടതി നിർദ്ദേശം

ഇതരമത വിവാഹത്തിന്റെ പേരിൽ യുവതികളെ തടങ്കലിലാക്കിയ സംഭവത്തിൽ യോഗ സെൻററിനെതിരെ അന്വേഷണം നടത്താൻ പൊലീസിന് ഹൈക്കോടതി നിർദേശം. തൃപ്പൂണിത്തുറ കണ്ടനാട് ശിവശക്തി യോഗ കേന്ദ്രത്തിനെതിരെ യുവതി നൽകിയ പരാതിയിലാണ് കോടതിയുടെ നിർദേശം. ഇതര മതസ്ഥനെ വിവാഹം ചെയ്ത തന്നെ മതം മാറാൻ നിർബന്ധിച്ച് തടങ്കലിലാക്കിയെന്നും മർദിച്ചുവെന്നുമാണ് യുവതിയുടെ പരാതി. കേന്ദ്രത്തിൽ 65 യുവതികൾ തടങ്കലിൽ ഉണ്ടന്നും അന്വേഷണം വേണമെന്നുമായിരുന്നു പരാതി. യുവതിയെ ഭർത്താവിനൊപ്പം പോകാൻ കോടതി അനുവദിച്ചു. യുവതിയുടെ പിതാവിനേയും സിറ്റി പോലീസ് കമ്മീഷ്ണറടക്കം അധികൃതരേയും കേസിൽ കോടതി കക്ഷി ചേർത്തു.