ഡാർജിലിങ്ങിലെ അനിശ്ചിതകാല ബന്ദ് പിൻവലിച്ചു

ഗൂർഖാലാൻഡ് സംസ്ഥാനം രൂപവത്കരിക്കണമെന്ന് ആവശ്യപ്പെട്ടുള്ള പ്രക്ഷോഭം താത്കാലികമായി നിർത്തിവെച്ചു. ആഭ്യന്തര മന്ത്രി രാജ്‌നാഥ് സിങ്ങിന്റെ അഭ്യർഥന മാനിച്ചാണ് സമരക്കാരുടെ തീരുമാനം. ഇന്ന് രാവിലെ ആറുമുതൽ ബന്ദ് താൽക്കാലികമായി അവസാനിപ്പിച്ചതായി ഗൂർഖാലാൻഡ് ജനമുക്തി മോർച്ച (ഡിജെഎം) അറിയിച്ചു.

ജനാധിപത്യത്തിൽ ചർച്ചകളാണ് എല്ലാപ്രശ്‌നങ്ങൾക്കും പരിഹാരം കാണാനുള്ള വഴിയെന്നും പ്രശ്‌ന പരിഹാരത്തിന് നിരന്തരമായ ചർച്ചകൾ നടത്തണമെന്നും ആഭ്യന്തരമന്ത്രി രാജനാഥ് സിങ്ങ് പറഞ്ഞിരുന്നു.

മാത്രമല്ല കേന്ദ്ര ആഭ്യന്തര സെക്രട്ടറി രാജീവ് ഗൗബയെ ചർച്ചകൾക്കായി നിയോഗിക്കുകയും ചെയ്തിരുന്നു. ഇതോടെയാണ് 104 ദിവസമായി തുടർച്ചയായി നടന്ന ബന്ദ് പിൻവലിക്കാൻ ഡിജെഎം തീരുമാനിച്ചത്.

darjeeling indefinite bandh came to halt