ഒഡീഷയിൽ ബിജെഡി – കോൺഗ്രസ് സഖ്യം ?

കോൺഗ്രസും ബിജു ജനതാദളും ഒരുമിക്കുന്നു. ബിജു ജനതാദൾ അധ്യക്ഷനും ഒഡീഷ മുഖ്യമന്ത്രിയുമായ നവീൻ പട്‌നായിക് കോൺഗ്രസിനൊപ്പം നിൽക്കാൻ തീരുമാനിച്ചതായാണ് റിപ്പോർട്ടുകൾ. ഇരുകൂട്ടരും തമ്മിൽ ചർച്ചകളാരംഭിച്ചു.

ബിജെപി തരംഗം ഏൽക്കാതെ പോയ സംസ്ഥാനങ്ങളിലൊന്നായ ഒഡീഷയെ കേന്ദ്രീകരിച്ചാണ് അമിത് ഷായുടെ പുതിയ നീക്കങ്ങൾ. ഇത് തടയുക എന്ന ലക്ഷ്യത്തോടെയാണ് 20 വർഷമായി ഒഡീഷ ഭരിക്കുന്ന പട്‌നായികും ബിജെഡിയും കോൺഗ്രസിനൊപ്പം നിൽക്കാനൊരുങ്ങുന്നത്.

ഒഡീഷയിലെ പ്രതിപക്ഷ കക്ഷിയാണ് കോൺഗ്രസ്. കോൺഗ്രസ് നേതാക്കളെ സ്വാധീനിയ്ക്കാനും ബിജെപി ഒരുങ്ങുന്നുവെന്നതിനാൽ ബിജെഡി – കോൺഗ്രസ് സഖ്യം ഇരു കൂട്ടർക്കും ഗുണം ചെയ്യുമെന്നാണ് വിലയിരുത്തൽ.