കൊല്ലത്ത് ഏഴുവയസ്സുകാരിയെ പീഡിപ്പിച്ച് കൊന്ന സംഭവം; അഞ്ചല്‍ എസ്ഐയ്ക്കെതിരെ നടപടി

അഞ്ചല്‍ ഏരൂരില്‍ ഏഴുവയസുകാരിയുടെ കൊലപാതകവുമായി ബന്ധപ്പെട്ട അന്വേഷണത്തില്‍ വീഴ്ച വരുത്തിയ എസ്‌ഐയ്‌ക്കെതിരെ നടപടി. ഏരൂര്‍ എസ്‌ഐ ലിസിയെ ചുമതലകളില്‍ നിന്നു മാറ്റി.പെണ്‍കുട്ടിയെ കാണാതായ ദിവസം പരാതി നല്‍കിയിട്ടും സ്റ്റേഷന്‍ ചുമതലയിലുണ്ടായിരുന്ന ലിസി നടപടി എടുത്തില്ലെന്നും അവധിയെടുത്ത് പോവുകയായിരുന്നുവെന്നും വീട്ടുകാര്‍ ആരോപണം ഉന്നയിച്ചതിനെ തുടര്‍ന്നാണ് നടപടി.  പകരം എസ്എച്ച്ഓ ആയി ഗോപകുമാറിനെ നിയമിച്ചു. സംഭവത്തില്‍ കുട്ടിയുടെ അമ്മയുടെ സഹോദരി ഭര്‍ത്താവ് രാജേഷിനെ പോലീസ് അറസ്റ്റു ചെയ്തിരുന്നു.