അമേരിക്കൻ റോക്ക് സംഗീതജ്ഞൻ ടോം പെറ്റി അന്തരിച്ചു

അമേരിക്കൻ റോക്ക് സംഗീത മാന്ത്രികൻ ടോം പെറ്റി (66) അന്തരിച്ചു. ഹൃദയാഘാതത്തെ തുടർന്നാണ് മരണമെന്നാണ് ഔദ്യോഗിക വിശദീകരണം. മാലിബുവിലെ വീട്ടിൽ ടോമിനെ അബോധാവസ്ഥയിൽ കണ്ടെത്തുകയായിരുന്നു. ഉടൻ യുസിഎൽഎ മെഡിക്കൽ സെന്ററിൽ പ്രവേശിപ്പിച്ചെങ്കിലും രക്ഷിക്കാനായില്ല.

റെഫ്യൂജി, ഫ്രീ ഫോളിൻ, അമേരിക്കൻ ഗേൾ തുടങ്ങിയ ആൽബങ്ങളിലൂടെ ലോകമെമ്പാടുമുള്ള സംഗീതാസ്വാദകരുടെ മനസ്സിൽ ചേക്കേറിയ ടോം, പോപ് സംഗീത ലോകത്ത് തന്റേതായ ഇടം നേടിയത് വളരെ പെട്ടന്നായിരുന്നു.