ദിലീപ് പാസ്‌പോർട്ട് കോടതിയിൽ ഹാജരാക്കി

നടിയെ അക്രമിച്ച കേസിലെ പ്രതിയായ ദിലീപ് പാസ്‌പോർട്ട് കോടതിയിൽ ഹാജരാക്കി. കേസിൽ 85 ദിവസത്തിന് ശേഷം ജാമ്യത്തിൽ പുറത്തിറങ്ങിയ ദിലപ് ജാമ്യവ്യവസ്ഥയനുസരിച്ചാണ് പാസ്‌പോർട്ട് കോടതിയിൽ ഹാജരാക്കി.

ഏഴു ദിവസത്തിനകം പാസ്‌പോർട്ട് അങ്കമാലി കോടതിയിൽ ഹജരാക്കണമെന്ന് ജാമ്യവ്യവസ്ഥയിൽ കോടതി നിഷ്‌കർഷിച്ചിരുന്നു. ഇത് പാലിക്കുന്നതിനായാണ് ദിലീപ് ഇന്ന് 3.50 നു നേരിട്ട് എത്തിയത്. അഭിഭാഷകൻ രാമൻപിള്ളയുടെ ഓഫീസിലെ അഡ്വ ഫിലിപ്പ് ടി. വർഗ്ഗീസും ദിലീപിനൊപ്പം കോടതിയിലെത്തിയിരുന്നു.