സ്‌കൂൾ ഒഫ് ലെറ്റേഴ്‌സ് ഡയറക്ടർ വി സി ഹാരിസ് അന്തരിച്ചു

എംജി സർവകലാശാല സ്‌കൂൾ ഒഫ് ലെറ്റേഴ്‌സ് ഡയറക്ടറും എഴുത്തുകാരനും നാടകപ്രവർത്തകനുമായ ഡോ. വി സി ഹാരിസ് (59) അന്തരിച്ചു. വാഹനാപകടത്തിൽ പരുക്കേറ്റ് കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു.

സ്‌കൂൾ ഒഫ് ലെറ്റേഴ്‌സ് ഡയറക്ടർ ആയി ഈ വർഷം ആദ്യമാണ് വി സി ഹാരിസ് നിയമിതനായത്. ആഗസ്റ്റിൽ അദ്ദേഹത്തെ ഡയറക്ടർ സ്ഥാനത്തുനിന്നു നീക്കാൻ തീരുമാനമെടുത്തത് വിവാദങ്ങൾക്ക് വഴിവച്ചിരുന്നു.