അഗസ്ത വെസ്റ്റ്‌ലാന്റ്; എസ് പി ത്യാഗി കൈക്കൂലി വാങ്ങിയെന്ന് സിബിഐ

അഗസ്ത വെസ്റ്റ്‌ലാന്റ് ഇടപാടിൽ മുൻ വ്യോമസേനാ മേധാവി എസ് പി ത്യാഗി കൈക്കൂലി വാങ്ങിയെന്ന് സിബിഐ. സിബിഐ സമർപ്പിച്ച കുറ്റപത്രത്തിലാണ് ത്യാഗി 300 കോടി രൂപ കൈക്കൂലി വാങ്ങിയതായി പരാമർശിക്കുന്നത്.

അഗസ്ത വെസ്റ്റ്‌ലാന്റ് അഴിമതിയുമായി ബന്ധപ്പെട്ട ഗൂഢാലോചനയ്ക്ക് നേതൃത്വം നൽകിയത് ത്യാഗിയാണെന്നാണ് കുറ്റപത്രത്തിൽ വ്യക്തമാക്കുന്നത്. അന്നത്തെ എയർ മാർഷൽ ജെ എസ് ഗുജറാളിനും പങ്കുണ്ടെന്നും സിബിഐ.

ഇറ്റലിക്കാരായ ഇടനിലക്കാർ ഗൈഡോ ഹാഷ്‌കെ, കാൽലോസ് ഗെറോസ, ക്രിസ്ത്യൻ മൈക്കേൽ എന്നിവരും അഗസ്ത വെസ്റ്റ്‌ലാന്റ് ഉദ്യോഗസ്ഥരിൽ ചിലരും കേസിലെ പ്രതികളാണ്.