താജ്മഹലിന് സമീപമുള്ള ബഹുനില പാർക്കിങ് കെട്ടിടം പൊളിച്ച് നീക്കണം : സുപ്രീം കോടതി

താജ്മഹലിന് സമീപമുള്ള ബഹുനില പാർക്കിങ് കെട്ടിടം പൊളിച്ച് നീക്കാൻ സുപ്രീം കോടതി ഉത്തരവ്. ഉത്തർപ്രദേശ് മുഖ്യമന്ത്രി യോഗി ആദിത്യ നാഥിന്റെ താജ്മഹൽ സന്ദർശനത്തിന് രണ്ട് ദിവസം മുൻപാണ് സുപ്രീംകോടതിയുടെ ഉത്തരവ്. നിലവിൽ നിർമാണം നടക്കുന്ന ബഹുനില പാർക്കിങ് സംവിധാനത്തിന്റെ നിർമാണം താജ്മഹലിന് കേടുപാടുകൾ സൃഷ്ടിക്കാൻ സാധ്യതയുണ്ടെന്ന വിലയിരുത്തലിനെ തുടർന്നാണ് സുപ്രീംകോടതി തീരുമാനം.

താജ്മഹൽ സന്ദർശിക്കാൻ എത്തുന്നവരുടെ വാഹന ബാഹുല്യത്തെ തുടർന്നാണ് ബഹുനില പാർക്കിങ് സംവിധാനം നിർമിക്കാൻ സംസ്ഥാന ഭരണകൂടം തീരുമാനിച്ചത്. താജ്മഹലിന്റെ കിഴക്കേ കവാടത്തിന് സമീപമായാണ് ബഹുനില പാർക്കിങ് സമുച്ചയത്തിന്റെ നിർമാണം പുരോഗമിച്ചിരുന്നത്.

Supreme Court orders demolition of parking lot at Taj Mahal