തോമസ് ചാണ്ടിയ്ക്കെതിരെ ഗവര്‍ണ്ണര്‍ക്ക് പരാതി

മന്ത്രി തോമസ് ചാണ്ടിയെ അയോഗ്യനാക്കണമെന്ന് ആവശ്യപ്പെട്ട് ബിജെപി ഗവര്‍ണര്‍ക്ക് പരാതി നല്‍കി. ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍, ഒ രാജഗോപാല്‍ എംഎല്‍എ എന്നിവരാണ് ഗവര്‍ണര്‍ക്ക് പരാതി നല്‍കിയിരിക്കുന്നത്.

തെരഞ്ഞെടുപ്പ് കമ്മീഷനും ഗവര്‍ണര്‍ക്കും തോമസ് ചാണ്ടി നല്‍കിയ സത്യപ്രസ്താവന വ്യാജമാണ്. ഭാര്യയുടെയും ആശ്രിതരുടെയും പേരിലുള്ള സ്വത്തു വിവരങ്ങളും സത്യവാങ്മൂലത്തില്‍ വെളിപ്പെടുത്തിയിട്ടില്ല. ജനപ്രാതിനിധ്യ നിയമത്തിലെ 177 ആം വകുപ്പ് പ്രകാരം ഇത് കുറ്റകരമാണെന്നാണ് പരാതിയില്‍ ഉള്ളത്.

തോമസ് ചാണ്ടിയുടെ സ്വത്തുവിവരങ്ങളുടെ വിശദാംശങ്ങള്‍ അടങ്ങിയ രേഖകള്‍ ഉള്‍പ്പടെയാണ് പരാതി നല്‍കിയിരിക്കുന്നത്.