കവടിയാറില്‍ നടന്നത് കാറ് റേസിംഗ് തന്നെ

കവടിയാറില്‍ ആഢംബര കാറ് മറിഞ്ഞ് യുവാവ് മരിച്ചത് കാറ് റേസിംഗിനിടെ. അപകടത്തില്‍ മൂന്ന് പെണ്‍കുട്ടികള്‍ക്കും ഓട്ടോറിക്ഷാ ഡ്രൈവര്‍ക്കും പരിക്കേറ്റിട്ടുണ്ട്. പെരുന്തോന്നി വള്ളക്കടവില്‍ പി സുബ്രഹ്മണ്യത്തിന്റെ മകന്‍ ആദര്‍ശാണ് ഇന്നലെ രാജ് ഭവന് മുന്നിലുണ്ടായ അപകടത്തില്‍ മരിച്ചത്. എതിരെ വന്ന ഓട്ടോയില്‍ ഇടിച്ച് നിയന്ത്രണം വിട്ടാണ് കാറ് മറിഞ്ഞത്.തലകീഴായി മറിഞ്ഞ കാറ് വെട്ടിപ്പൊളിച്ചാണ് ഉള്ളിലുണ്ടായിരുന്നവരെ പുറത്ത് എത്തിച്ചത്. ഇന്നലെ രാത്രി 11മണിയോടെയായിരുന്നു അപകടം. കഴിഞ്ഞ ദിവസം രജിസ്റ്റര്‍ ചെയ്ത കാറാണിത്. മത്സരയോട്ടം നടത്തിയ രണ്ടാമത്തെ കാറേതെന്ന് വ്യക്തമായിട്ടില്ല.