ഹണി ട്രാപ്പ്; കമ്മീഷന്‍ റിപ്പോര്‍ട്ട് മുഖ്യമന്ത്രിയ്ക്ക് സമര്‍പ്പിച്ചു

ശശീന്ദ്രന്‍ ഉള്‍പ്പെട്ട ഹണിട്രാപ് കേസിലെ കമ്മീഷന്‍ റിപ്പോര്‍ട്ട് മുഖ്യമന്ത്രിയ്ക്ക് സമര്‍പ്പിച്ചു. സ്വകാര്യതയിലേക്കുള്ള കടന്നുകയറ്റം ഒഴിവാക്കണമെന്ന് റിപ്പോര്‍ട്ടിലുണ്ടെന്നാണ് സൂചന. ഇത് സംബന്ധിച്ച് നിയമ നിര്‍മ്മാണത്തിനും റിപ്പോര്‍ട്ടില്‍ ശുപാര്‍ശയുണ്ട്. ഫോണ്‍വിളിയുടെ സാഹചര്യവും, ശബ്ദരേഖയും കമ്മീഷന്‍ പരിശോധിച്ച ശേഷമാണ് റിപ്പോര്‍ട്ട് തയ്യാറാക്കിയത്. രണ്ട് വോള്യങ്ങളായി 405പേജുകളുള്ള റിപ്പോര്‍ട്ടാണ് സമര്‍പ്പിച്ചിരിക്കുന്നത്. ഫോണ്‍ കെണി സ്വകാര്യതയുടെ ലംഘനമാണോയെന്ന് പരിശോധിക്കണമെന്നും മാധ്യമങ്ങള്‍ വാണിജ്യ താത്പര്യങ്ങള്‍ക്ക് വേണ്ടിയല്ല, മാനുഷിക മൂല്യങ്ങള്‍ക്ക് വേണ്ടിയാണ് പ്രവര്‍ത്തിക്കേണ്ടതെന്നും റിപ്പോര്‍ട്ടിലുണ്ട്.