ജിഗ്നേഷ് മേവാനി സ്വതന്ത്രനായി മത്സരിക്കും

ഗുജറാത്ത് നിയമസഭാ തെരഞ്ഞെടുപ്പിൽ ദളിത് നേതാവ് ജിഗ്‌നേഷ് മേവാനി സ്വതന്ത്ര സ്ഥാനാർഥിയായി മത്സരിക്കും. ബനാസകാന്ത ജില്ലയിലെ വഡഗാം നിയമസഭാ മണ്ഡലത്തിൽ നിന്നാവും മേവാനി ജനവിധി തേടുക. ട്വിറ്ററിലൂടെയാണ് താൻ മത്സരിക്കുന്ന കാര്യം മേവാനി വെളിപ്പെടുത്തിയത്.

കോൺഗ്രസിന്റെ സിറ്റിങ് സീറ്റായ വഡഗാം മണ്ഡലത്തിൽ കോൺഗ്രസ് സ്ഥാനാർഥിയായി സിറ്റിങ് എം.എൽ.എ മണിഭായ് വഘേലയും ബി.ജെ.പി സ്ഥാനാർഥിയായി വിജയ്ഭായ് ഹർക്കഭായ് ചക്രവതിയുമാണ് മത്സരിക്കുന്നത്.