‘സോറി ബ്രദര്‍’, തൃശ്ശൂരുകാരന്‍ ബിബിന് തമിഴ് താരം വിജയ് സേതുപതിയുടെ വോയ്സ് മെസേജ്

ഇന്നലെ തൃശ്ശൂരുകാരന്‍ ബിബിന്‍ മോഹന് ജീവിതത്തില്‍ ഒരിക്കലും മറക്കാന്‍ പറ്റാത്ത ദിവസമായിരുന്നു. സിനിമ സ്വപ്നം കണ്ട് നടക്കുന്ന ഒരു യുവാക്കള്‍ക്ക് വലിയ താരങ്ങള്‍ പൊതുവേ ചെവി കൊടുക്കാറില്ല. എന്നാല്‍ തമിഴ് സൂപ്പര്‍ താരം വിജയ് സേതുപതി ഇതില്‍ നിന്നെല്ലാം വ്യത്യസ്തനാണ്. അത് കൊണ്ടാണല്ലോ ആരാധകര്‍ ഇദ്ദേഹത്തെ മക്കള്‍ സെല്‍വന്‍ എന്ന് വിളിക്കുന്നത്. ഒരു കഥയുമായി വിജയ് സേതുപതിയെ കാണാനായി ഒരുങ്ങിയിരിക്കുകയായിരുന്നു ബിബിന്‍. എന്നാല്‍ തിരക്കുകള്‍ കാരണം താരത്തിന് ബിബിന്റെ കഥ കേള്‍ക്കാന്‍ സമയം ഇല്ലായിരുന്നു. പിന്നീടുണ്ടായതെന്താണെന്ന് ബിബിന്റെ പോസ്റ്റിലൂടെ തന്നെയറിയാം.

ഇന്നൊരു ഞെട്ടൽ ഉണ്ടാക്കിയ ദിവസം ആണ്. ..ഒരു സിനിമ പ്രേമി എന്ന നിലക്കും കുറച്ചു എഴുതുന്ന ആൾ എന്ന നിലക്കും…. കുറച്ചു ദിവസം ആയി സൗത്ത് ഇന്ത്യ തന്നെ ആരാധിക്കുന്ന നടന്മാരിൽ ഒരാൾ ആയ ഈ മനുഷ്യനോട് ഒരു സബ്ജക്ട് പറയാൻ ശ്രമം തുടങ്ങിയിട്ട് . . കഴിഞ്ഞ ഓണത്തിന് മാതൃഭൂമിയിൽ പുള്ളിയെ കൊണ്ട് വന്ന ടീമിലെ അനൂപേട്ടൻ  ആണ് കഥയൊക്കെ കേട്ടപ്പോ നീ ധൈര്യം ആയിട്ട് വിളിക്കട ..ഇത് അങ്ങേരു തകർക്കും ….എന്നും പറഞ്ഞു മാനേജരുടെ നമ്പർ തന്നത്. …

കോൺടാക്ട് ചെയ്തപ്പോ വെയിറ്റ് ചെയ്യേണ്ടി വരും എന്ന രീതിയിൽ ഉള്ള മറുപടി കിട്ടി… സ്ഥിരം ആയി കേൾക്കുന്ന കാര്യം ആയതു കൊണ്ട് പുതുമ ഒന്നും തോന്നിയില്ല… പക്ഷെ പിന്നെ ഒരു അറിവും ഇല്ലായിരുന്നു… ഇന്ന് വിളിച്ചു നോക്കി രാവിലെ ..കിട്ടുന്നില്ല. .. മെസേജ് ഇട്ടു നോക്കി….അനൂപേട്ടനെ വിളിച്ചു പറഞ്ഞു ഇന്നും ഒരു മെസേജ് അയച്ചിട്ടുണ്ട് എന്ന്… പുള്ളി പറഞ്ഞു..നീ നോക്കിക്കോ ഉറപ്പായും ഒരാഴ്ചക്കുള്ളിൽ നിന്നെ കോൺടാക്ട് ചെയ്യും…എന്നൊക്കെ…