നെയ്യാര്‍ ഡാം തുറന്നു; ആറിന്റെ കരയില്‍ താമസിക്കുന്നവര്‍ക്ക് ജാഗ്രതാ നിര്‍ദേശം

വനമേഖലയിൽ മഴ ശക്തി പ്രാപിച്ചതിനെ തുടര്‍ന്ന് നെയ്യാർ ഡാം തുറന്ന് വിട്ടു. സംഭരണ ശേഷിയിൽ കൂടുതൽ ജലനിരപ്പ് ഉയർന്നിരിക്കുകയാണ്. രാവിലെ ഷട്ടറുകള്‍ അഞ്ചടിയോളം ഉയര്‍ത്തിയിരുന്നു. ആറിന്റെ കരയിൽ താമസിക്കുന്നവർ ജാഗ്രത പാലിക്കണമെന്ന് ഇറിഗേഷൻ വകുപ്പ് അറിയിച്ചിട്ടുണ്ട്.

വൃഷ്ടി പ്രദേശത്തു മഴ ശക്തിയാണ്. പരമാവതി സംഭരണ ശേഷിയായ 84.750 മീറ്റർ കഴിഞ്ഞു 84.800 നു മുകളിൽ നെയ്യാറിന്റെ ഇരു കരകളിലും ഉള്ളവർ ജാഗ്രത പാലിക്കണമെന്ന് അസിസ്റ്റന്റ് എന്‍ജിനീയര്‍ അറിയിച്ചു.