അഫ്ഗാനിൽ ചാവേറാക്രമണം; ആറു പേർ മരിച്ചു

അഫ്ഗാനിസ്ഥാനിൽ രാഷ്ട്രീയ പാർട്ടിയുടെ റാലിക്കിടെ ചാവേർ നടത്തിയ സ്‌ഫോടനത്തിൽ ആറു പേർ മരിച്ചു. 13 പേർക്കു പരുക്കേറ്റു.

നങ്കർഹാർ പ്രവിശ്യയിലെ ജലാലാബാദ് നഗരത്തിലാണ് സ്‌ഫോടനം. പ്രസിഡന്റ് അഷ്‌റഫ് ഗനിക്കു പിന്തുണ പ്രഖ്യാപിച്ചു റാലി നടത്തിയ ജനക്കൂട്ടത്തിനിടയിലേക്കു മോട്ടോർസൈക്കിൾ ഓടിച്ചുവന്ന ചാവേർ സ്‌ഫോടനം നടത്തുകയായിരുന്നു.

ഭീകര സംഘടനകളായ ഇസ്ലാമിക് സ്റ്റേറ്റിനും താലിബാനും നല്ല സ്വാധീനമുള്ള മേഖലയാണ് നങ്കർഹാർ പ്രവിശ്യ.