ഓഖി ചുഴലിക്കാറ്റ്; നാല് പേര്‍ കൂടി തിരിച്ചെത്തി

ഓഖി ചുഴലിക്കാറ്റിനെ തുടര്‍ന്ന് കടല്‍ക്ഷോഭത്തില്‍ കാണാതായ നാല് പേര്‍ കൂടി തിരിച്ചെത്തി. ആന്റണി, ബാബു, സഹായം, ജോസ് എന്നിവരാണ് തിരിച്ചെത്തിയത്. ഇന്നലെ രാത്രിയോടെയാണ് ഇവര്‍ തിരിച്ചെത്തിയത്. 29നാണ് ഇവര്‍ കടലില്‍ പോയത്. ഇവരുടെ ഒപ്പം പോയ രണ്ട് പേരെ കടലില്‍ കാണാതായി. നേവിയുടെ കപ്പലാണ് ഇവരെ രക്ഷിച്ചത്. 92പേരെയാണ് ഇനി കണ്ടെത്താനുള്ളത്. കൊച്ചി കേന്ദ്രീകരിച്ച് വിവിധ വകുപ്പുകളെ ഏകോപിപ്പിച്ചാണ് ഇന്നത്തെ രക്ഷാപ്രവര്‍ത്തനം നടക്കുന്നത്.