ഭാര്യയേയും ഭാര്യാസഹോദരിയേയും കൊലപ്പെടുത്തി എന്‍എസ്ജി കമാന്റോ ജീവനൊടുക്കി

ഭാര്യയേയും ഭാര്യാ സഹോദരിയേയും വെടിവച്ച ശേഷം എന്‍എസ്ജി കമാന്റോ സ്വയം വെടിയുതിര്‍ത്ത് ജീവനൊടുക്കി. ചൊവ്വാഴ്ച ഹരിയാനയിലെ മനേസര്‍ ക്യാമ്പിലായിരുന്നു സംഭവം. ബിഎസ്എഫിലെ എഎസ്‌ഐ കാണ്‍പുര്‍ സ്വദേശി ജിതേന്ദ്ര യാദവാണ് കൊലപാതകത്തിന് ശേഷം ജീവനൊടുക്കിയത്. ഇയാള്‍ എന്‍സ്ജിയില്‍ അഞ്ചു വര്‍ഷമായ ഡപ്യൂട്ടേഷനില്‍ ജോലിചെയ്തുവരികയായിരുന്നു.

ക്യാമ്പിലെ 42 ാം നമ്പര്‍ ഫ്‌ളാറ്റിലായിരുന്നു ഇവര്‍ താമസിച്ചിരുന്നത്. കുടുംബ കലഹത്തെ തുടര്‍ന്നാണ് കൊല.  വെടിയൊച്ച കേട്ട് സമീപ വാസികള്‍ എത്തുമ്പോള്‍ ജിതേന്ദ്രയും ഭാര്യ ഗുദാനും ഇവരുടെ സഹോദരി ഖുശ്ബുവും രക്തത്തില്‍ കുളിച്ച് കിടക്കുകയായിരുന്നു.  വയറ്റില്‍ വെടിയേറ്റ ഗുദാനും ഖുശ്ബുവും ഗുരുതര പരിക്കുകളോടെ ചികിത്സയിലാണ്