ഓഖി ചുഴലിക്കാറ്റ്; ഒരു മൃതദേഹം കൂടി കണ്ടെത്തി

ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ട ഒരു മത്സ്യ തൊഴിലാളിയുടെ മൃതദേഹം കൂടി കണ്ടെത്തി. തീര സംരക്ഷണ സേനയാണ് മൃതദേഹം കണ്ടെത്തിയത്. . മലപ്പുറം ജില്ലയിലെ താനൂരിനു സമീപം കടലിൽനിന്നാണ് മൃതദേഹം ലഭിച്ചത്. ഇതോടെ ഓഖി ചുഴലിക്കാറ്റില്‍ മരിച്ചവരുടെ എണ്ണം 46ആയി.
അറബിക്കടലി‍ൽ കേരളതീരത്തു നിന്നു 426 കിലോമീറ്റർ ദൂരെവരെ ഇന്നലെ വ്യോമസേന തിരച്ചിൽ നടത്തി. ഇലക്ട്രോ ഒപ്റ്റിക്കൽ, ഇൻഫ്രാറെഡ് ഉപകരണങ്ങളുടെ സഹായത്തോടെയാണു തിരച്ചിൽ. നാവിക, തീരസേനകളുടെ കപ്പലുകളും ആഴക്കടലിൽ തിരച്ചിൽ തുടരുകയാണ്.