ആധാർ കേസിൽ ഇടക്കാല ഉത്തരവ് ഇന്ന്

ആധാർ കേസിൽ സുപ്രിംകോടതി ഇന്ന് ഇടക്കാല ഉത്തരവ് പുറപ്പെടുവിക്കും. ചീഫ് ജസ്റ്റിസ് അധ്യക്ഷനായ അഞ്ചംഗ ഭരണ ഘടനാ ബഞ്ച് രാവിലെ 10.30 നാണ് ഉത്തരവ് പുറപ്പെടുവിക്കുക. മൊബൈൽ നമ്പറുകൾ ആധാറുമായി ബന്ധിപ്പിക്കുന്നതിനുള്ള സമയപരിധി നീട്ടുന്നതിനും ഇടക്കാല ഉത്തരവിൽ നിർദ്ദേശം ഉണ്ടായേകും.

ആധാർ വിവിധ പദ്ധതികളുമായും സേവനങ്ങളുമായും ബന്ധിപ്പിക്കാനുള്ള കേന്ദ്ര സർക്കാർ ഉത്തരവുകൾ, ആധാർ കേസിൽ അന്തിമ വിധിയുണ്ടാകും വരെ സ്‌റ്റേ ചെയ്യണമെന്നാവശ്യപ്പെടുള്ള ഹരജികളിലാണ് സുപ്രിംകോടതി ഇടക്കാല ഉത്തരവ് പുറപ്പെടുവിക്കുക. പുതുതായി ആരംഭിക്കുന്ന ബാങ്ക് അക്കൗണ്ടുകളുമായി ആധാർ ആറുമാസത്തിനകം ബന്ധിപ്പിക്കണമെന്നാണ് സർക്കാർ നിർദ്ദേശം, ഇടക്കാല ഉത്തരവിലൂടെ ഇക്കാര്യത്തിൽ സുപ്രിംകോടതി വ്യക്തത വരുത്തിയേക്കും.

aadhar case verdict today