അനുബന്ധ കുറ്റപത്രം റദ്ദാക്കണമെന്ന ദിലീപിന്റെ ഹര്‍ജി ഇന്ന് കോടതി പരിഗണിക്കും

നടിയെ ആക്രമിച്ച കേസിലെ അനുബന്ധ കുറ്റപത്രം റദ്ദാക്കണമെന്ന് ആവശ്യപ്പെട്ട് ദിലീപ് സമര്‍പ്പിച്ച ഹര്‍ജി ഇന്ന് കോടതി പരിഗണിക്കും. അങ്കമാലി കോടതിയാണ് ഹര്‍ജി പരിഗണിക്കുന്നത്. ഫയല്‍ സ്വീകരിക്കുന്നതിന് മുമ്പായി കുറ്റപത്രത്തിലെ വിവരങ്ങള്‍ മാധ്യമങ്ങള്‍ക്ക് ചോര്‍ത്തി നല്‍കിയെന്നാണ് ദിലീപ് ഹര്‍ജിയില്‍ ആരോപിക്കുന്നത്. കഴിഞ്ഞ മാസം 22നാണ് അന്വേഷണ സംഘം കുറ്റപത്രം സമര്‍പ്പിച്ചത്. പകര്‍പ്പ് എടുക്കവെ മാധ്യമങ്ങള്‍ ഇത് ചോര്‍ത്തിയെന്നാണ് പോലീസ് കോടതിയില്‍ വ്യക്തമാക്കിയത്.