ഓഖി; തിരച്ചിലിനായി 105 ബോട്ടുകൾ ഉൾക്കടലിലേക്ക് പുറപ്പെടും

ഓഖി ചുഴലിക്കാറ്റിൽ കാണാതായവർക്കായുള്ള തെരച്ചിൽ തുടരുന്നു. കാണാതായവർക്കായി 105 ബോട്ടുകളുടെ സംഘം ഉൾക്കടലിലേക്ക് പുറപ്പെടുമെന്ന് മുഖ്യമന്ത്രി പിണറായി വിജയൻ അറിയിച്ചു. കേരളതീരത്ത് നിന്നും നൂറ് നോട്ടിക്കൽ മൈൽ ദൂരത്തിൽ നാല് ദിവസത്തേക്കായിരിക്കും തിരച്ചിൽ നടത്തുകയെന്നും മുഖ്യമന്ത്രി പറഞ്ഞു.

ഇന്ന് വൈകീട്ടോടെയായിരിക്കും തിരച്ചിൽ സംഘം പുറപ്പെടുക. തിരച്ചിലിനാവശ്യമായ ചെലവ് പൂർണമായും സർക്കാർ വഹിക്കും. ബോട്ടുടമാസംഘടനകളുമായി സർക്കാർ നടത്തിയ ചർച്ചകളുടെ ഫലമായിട്ടാണ് ഈ തീരുമാനം.

നീണ്ടകര, കൊച്ചി, മുനമ്പം, ബേപ്പൂർ എന്നീ നാല് കേന്ദ്രങ്ങളിൽ നിന്നും യഥാക്രമം 25, 25, 25, 30 എണ്ണം ഫിഷിങ്ങ് ബോട്ടുകളായിരിക്കും തിരച്ചിൽ നടത്തുക.