ഐ.എസ്. ബന്ധം: കണ്ണൂരിൽ അറസ്റ്റിലായവരുടെ കേസ് ഏറ്റെടുത്ത് എൻ.ഐ.എ

ഐഎസ് പ്രചരണവുമായി ബന്ധപ്പെട്ട് കണ്ണൂരിൽ അറസ്റ്റിലായ അഞ്ച് പേരുടെ കേസുകൾ ദേശീയ അന്വേഷണ ഏജൻസിയായ എൻഐഎ ഏറ്റെടുത്തു.

ഇവർക്കെതിരേ യു.എ.പി.എ. കുറ്റം ചുമത്തിയിട്ടുണ്ട്. കണ്ണൂർ ചക്കരക്കൽ, തലശ്ശേരി സ്വദേശികളായ മിഥിലാജ് (26), അബ്ദുൾ റസാഖ് (34), എം.വി. റാഷിദ് (24), മനാഫ് റഹ്മാൻ !(42), യു.കെ. ഹംസ (57) എന്നിവരാണ് പിടിയിലായത്. കണ്ണൂർ ഡിവൈ.എസ്.പി. പി.പി. സദാനന്ദന്റെ നേതൃത്വത്തിലാണ് ഒക്ടോബറിൽ ഇവരെ പിടികൂടിയത്.

ഐ.എസിന്റെ പ്രചാരകരായി, ഇറാഖിലേക്കും സിറിയയിലേക്കും ത്രീവ്രവാദ സംഘടനകളിലേക്ക് ആളുകളെ എത്തിക്കാൻ ബോധവത്കരണവും യാത്രാസഹായവും നൽകിയവരാണ് ഇവരെന്ന് എൻഐഎ പറയുന്നു.