ഈ വിജയത്തില്‍ ശരിക്കും സന്തോഷിക്കുന്നുണ്ടോ എന്ന് മോഡിയോട് നടന്‍ പ്രകാശ് രാജ്

തിരഞ്ഞെടുപ്പിലെ ബി.ജെ.പിയുടെ വിജയത്തിന് പിന്നാലെ പ്രധാനമന്ത്രിയോട്  കടുത്ത ഭാഷയില്‍ ചോദ്യങ്ങളുന്നയിച്ച് നടന്‍ പ്രകാശ് രാജ്. വിജയത്തിന് അഭിനന്ദനങ്ങൾ പ്രധാനമന്ത്രി, ഈ വിജയത്തില്‍ ശരിക്കും സന്തോഷിക്കുന്നുണ്ടോ എന്നാണ് പ്രകാശ് രാജിന്റെ ചോദ്യം.ഫെയ്സ് ബുക്കിലൂടെയാണ് പ്രകാശ് രാജ് ചോദ്യങ്ങള്‍ ഉന്നയിച്ചിരിക്കുന്നത്.
വിഭാഗീയ രാഷ്ട്രീയം വിലപ്പോയില്ല, പാക്കിസ്ഥാനേക്കാളും, ജാതിയേക്കാളും വലിയ വിഷയങ്ങള്‍ ഇന്ത്യ അഭിമുഖീകരിക്കുന്നുണ്ട്, തഴയപ്പെട്ട കര്‍ഷകരുടെ അടക്കം പ്രാദേശികമായ നിരവധി വിഷയങ്ങളുണ്ട്. ഇത് താങ്ങള്‍ തിരിച്ചറിയുന്നുണ്ടോ?  ഇതെല്ലാം തിരിച്ചറിയാന്‍ കുറച്ച് സമയം തരാം എന്നും പോസ്റ്റിലുണ്ട്.