ടുജി സ്പെക്ട്രം കേസില്‍ വിധി ഇന്ന്

ടുജി സ്പെക്ട്രം കേസില്‍ ഇന്ന് വിധി.ഡിഎംകെ നേതാക്കളായ എ രാജയും, കനിമൊഴിയും ടെലികോം കമ്പനികളും ഉള്‍പ്പെട്ട കേസിലാണ് വിധി. സിബിഐ അന്വേഷിച്ച രണ്ടും, എന്‍ഫോഴ്‌സ്‌മെന്റ് ഡയറക്ട്രേറ്റ് അന്വേഷിച്ച ഒരു കേസിലുമാണ് സിബിഐ പ്രത്യേക കോടതി ജഡ്ജി ഒപി  സെയ്‌നി വിധി പ്രസ്താവിക്കുന്നത്. മൊബൈല്‍ കമ്പനികള്‍ക്ക് ടു ജി സ്‌പെക്ട്രം അനുവദിച്ചതില്‍ ഒരു ലക്ഷം കോടി രൂപയുടെ അഴിമതി നടന്നുവെന്നാണ് കേസ്. സിഎജിയായിരുന്ന വിനോദ് റോയിയുടെ കണ്ടെത്തലാണ് യുപിഎ സര്‍ക്കാരിനെ ആകെ പിടിച്ചുലച്ച കേസിന് അടിസ്ഥാനമായത്. നേരത്തെ വിധിപ്രസ്താവനയുടെ തീയതി അറിയിക്കുന്നത് ഒരു തവണ കോടതി നീട്ടിവച്ചിരുന്നു.