പാരീസിൽ പോയ 23 ഇന്ത്യൻ വിദ്യാർത്ഥികളെ കാണാതായി; മനുഷ്യക്കടത്തെന്ന് സംശയം

പാരീസിൽ പോയ 23 ഇന്ത്യൻ വിദ്യാർഥികളെ കാണാനില്ല. പഞ്ചാബിലെ രണ്ടു സ്‌കൂളുകളിൽ നിന്നായി റഗ്ബി പരിശീലനത്തിന്റെ പേരിൽ പാരീസിലേക്ക് പോയ കുട്ടികളെയാണ് കാണാതായിരിക്കുന്നത്. സംഭവത്തിൽ സി.ബി.ഐ കേസെടുത്തു. അനധികൃതമായാണ് കുട്ടികളെ ഫ്രാൻസിലേക്ക് കൊണ്ടുപോയതെന്ന് പ്രാഥമിക അന്വേഷണത്തിൽ വ്യക്തമായി. 2016 ഫെബ്രുവരിയിലാണ് ഇവർ യാത്ര പോയത്.

രണ്ട് ട്രാവൽ ഏജൻസികൾ മുഖേനയാണ് കുട്ടികൾ പാരീസിലെത്തിയത്. റഗ്ബി പരിശീലനത്തിന്റെ പേരിലാണ് ഇവരെ കടത്തിയത്. സി.ബി.ഐ നടത്തിയ അന്വേഷണത്തിൽ ഫരീദാബാദിലെ ലലിത് ഡേവിഡ് ഡീൻ, ഡൽഹിയിലെ സഞ്ജീവ് റോയ്, വരുൺ ചൗധരി എന്നിവരിൽ ഇതുമായി ബന്ധപ്പെട്ട രേഖകൾ പിടിച്ചെടുത്തിട്ടുണ്ട്.

കുട്ടികളെ വിദേശത്ത് എത്തിക്കാൻ ഏജൻസികൾ ഓരോരുത്തരുടെ രക്ഷിതാക്കളിൽ നിന്നും 2530 ലക്ഷം രൂപ വരെ കൈപ്പറ്റിയിട്ടുണ്ടെന്നും സി.ബി.ഐ പറഞ്ഞു. 13 മുതൽ 18 വരെ പ്രായമുള്ളവരാണ് കുട്ടികൾ. കുട്ടികളുടെയെല്ലാം മടക്കയാത്രയ്ക്കുള്ള ടിക്കറ്റ് യാത്രാ ഏജൻസി റദ്ദാക്കിയതായും ശ്രദ്ധയിൽപ്പെട്ടിട്ടുണ്ട്.

23 Indian Teens Go Missing In France