ഭൂമിയിടപാട് വിവാദം;വെറും സാങ്കേതിക പിഴവെന്ന് സഭ

ഇന്നലെ ചേര്‍ന്ന സീറോ മലബാര്‍ സഭയുടെ പ്രത്യേക സിനഡിന് ശേഷം എറണാകുളം-അങ്കമാലി അതിരൂപതയുടെ ഭൂമിയിടപാട് വിവാദത്തില്‍ സഭയുടെ സമവായ നിലപാട്. ഭൂമിയിടപാടില്‍ സംഭവിച്ചിരിക്കുന്നത് കണക്കിലെ സാങ്കേതിക പിഴവുകള്‍ മാത്രമാണെന്ന് മാര്‍.ജോര്‍ജ്ജ് ആലഞ്ചേരി. ഇതോടെ അതിരൂപതയില്‍ ഉയര്‍ന്നുവന്ന പ്രതിസന്ധിക്ക് പരിഹാരം കാണുകയാണ് സഭ. അനാവശ്യ പ്രതികരണങ്ങള്‍ ഒഴിവാക്കണമെന്നും സഭാ നേതൃത്വം നിലപാടെടുത്തു. ഭൂമിയിടപാടിലെ വിവാദങ്ങളെ തുടര്‍ന്ന് അതിരൂപതയിലെ വൈദികരും വിശ്വാസികളും രണ്ട് തട്ടുകളിലായി നില്‍ക്കുമ്പോള്‍ സഭയുടെ ഇപ്പോഴത്തെ നിലപാട് എങ്ങനെ ചര്‍ച്ചയാകുമെന്നാണ് എല്ലാവരും കാത്തിരിക്കുന്നത്.