കേപ്ടൗണ്‍ ടെസ്റ്റ്; മൂന്നാം ദിനത്തെ കളി മഴമൂലം ഉപേക്ഷിച്ചു

കനത്ത മഴമൂലം ഇന്ത്യ-സൗത്താഫ്രിക്ക ടെസ്റ്റിലെ മൂന്നാം ദിനത്തില്‍ ഒരു ബോള്‍ പോലും ചെയ്യാന്‍ കഴിയാതെ കളി നിര്‍ത്തിവെച്ചു. മഴ കുറയാത്തതിനാലാണ് ഇന്നത്തെ കളി ഉപേക്ഷിക്കാന്‍ തീരുമാനിച്ചത്. ഒന്നാം ഇന്നിങ്‌സില്‍ 77 റണ്‍സ് ലീഡ്‌ നേടിയ സൗത്താഫ്രിക്ക രണ്ടാം ഇന്നിങ്‌സില്‍ ബാറ്റിങ് ആരംഭിച്ചിട്ടുണ്ട്. സൗത്താഫ്രിക്ക രണ്ടാം ഇന്നിങ്‌സില്‍ രണ്ട് വിക്കറ്റ് നഷ്ടത്തില്‍ 65 റണ്‍സ് നേടിയിട്ടുണ്ട്. ഹാര്‍ദിക്ക് പാണ്ഡ്യയാണ് രണ്ട് വിക്കറ്റുകളും വീഴ്ത്തിയത്.