സെൻസർ ബോർഡ് തിരുവനന്തപുരം മേഖലാ ഓഫീസറെ മാറ്റി

സെൻസർ ബോർഡ് തിരുവനന്തപുരം മേഖല ഓഫീസർ സ്ഥാനത്തു നിന്ന് എ പ്രതിഭയെ മാറ്റി. അടിയന്തരാവസ്ഥയെ കുറിച്ചുള്ള ഡോക്യൂമെന്ററിക്ക് അനുമതി നിഷേധിച്ചതിന് പിന്നാലെയാണ് നടപടിയെന്നാണ് സൂചന.

ഡോക്യുമെൻററിക്ക് അനുമതി നിഷേധിച്ചതിനെതിരെ ബിജെപി കേന്ദ്രത്തിനു പരാതി നൽകിയിരുന്നു. അടിയന്തരാവസ്ഥയ്ക്കും കോൺഗ്രസിനും എതിരായ ഉള്ളടക്കമുള്ള ഡോക്യുമെൻററിക്ക് അനുമതി നിഷേധിച്ചത് സ്ഥാപിത താൽപര്യമാണെന്നായിരുന്നു ബിജെപിയുടെ ആരോപണം.

അതേസമയം നിയമനടപടിയുമായി മുന്നോട്ടു പോകുമെന്ന് പ്രതിഭ പ്രതികരിച്ചു.

പ്രതിഭയ്ക്ക് പുറമെ, ചെന്നൈ, ബംഗളൂരു തുടങ്ങി ആറോളം മേഖലകളിലെ ഓഫീസരെയും മാറ്റിയിട്ടുണ്ട്. കേന്ദ്രസർക്കാരിന്റെ ഈ നീക്കത്തിനെതിരെ കോടതിയെ സമീപിക്കാനാണ് ഉദ്യോഗസ്ഥരുടെ തീരുമാനം.

CBFC